Dron ilə xəritəçəkmə (ölçmə). Sadə dillə desək, bu təcrübə yüzlərlə hava şəklini əldə etməyi və daha sonra daha böyük, daha dəqiq kompozit təsvir yaratmaq üçün onları xüsusi xəritələşdirmə proqramı ilə rəqəmsal olaraq “birləşdirməyi” əhatə edir. Dron ilə ölçmələr mütəxəssislərə böyük üstünlüklər təklif edir. PUA-lar ilə adi üsullarla toplanan yüksək dəqiqlikli ölçmələrlə eyni keyfiyyətdə, lakin çox qısa müddətdə topoqrafik tədqiqatlar aparmaq mümkündür. Bu sahə tədqiqatlarının xərclərini və sahə ekspertlərinin iş yükünü əhəmiyyətli dərəcədə azaldır. Dron və ya PUA -lar vasitəsi ilə RGB və ya multispektral kameralar və LIDAR kimi sensorlardan istifadə edilməklə ərazi çəkilir və məlumatlar emal edilir. RGB kamera ilə dronla aparılan tədqiqat  zamanı yerin müxtəlif bucaqlardan bir neçə dəfə fotoşəkili çəkilir və hər bir şəkil koordinatlarla işarələnir. Fotoqrammetriya proqramları ilə 2D və 3D xəritələr əldə etmək üçün bir çox baxış nöqtəsindən yerdə eyni nöqtəni ehtiva edən şəkillər birləşdirilir. Bu məlumatlardan fotoqrammetriya proqramları vasitəsi ilə tədqiqat sahəsinin geo-istinad edilən ortomozaika, yüksəklik modelləri və ya 3D modellərini əldə etmək mümkündür. Bu xəritələr yüksək dəqiqlikli məsafələr və ya həcm ölçmələri kimi məlumatları çıxarmaq üçün də istifadə edilə bilər. Pilotsuz təyyarələrdən və ya peyk görüntülərindən fərqli olaraq, dronlar çox daha aşağı hündürlükdə uça bilirlər bu da müxtəlif təsirlər, xüsusən buludluluq kimi amillərin təsirini azaltdığı üçün daha ucuz başa gələn yüksək dəqiqlikli məlumatları sürətli əldə etməyə iman verir.    Dron ilə xəritələmə metodundan  dünyada o cümlədən Azərbaycanda istifadə olunmaqdadır. Dron ilə xəritələmə ərazinin ölçülməsi əsasında 2D və 3D nöqtələrinin yeri və aralarındakı məsafələr haqqında dəqiq məlumat əldə etməyə imkan verir. Dronlar, insanın girməsi təhlükəli olan yerlərdə asan ölçmə imkanına sahib olduğu üçün onlara üstünlük verilir. Həmçinin araşdırmalar göstərir ki, pilotsuz uçuş aparatları kiçik ölçülü ərazilər üçün gözlənilən dəqiqliyi təmin edir. Dron ilə xəritələmə ərazinin planlaşdırılması, layihələndirilməsi, kadastr mülkiyyətinin sərhədlərinin müəyyən edilməsinə və s. kimi dəqiq qərar qəbul etməyə imkan verən mühüm məlumatları təqdim edir.

Dronla çəkilən fotolar vasitəsi ilə ərazinin ilkin coğrafi məlumatlarını özündə birləşdirən rəqəmsal topoqrafik planları hazırlamaq olar. Bura  Ortofoto , DTM ( Digital Terrein Model ) , DEM ( Digital Elevation Model ) , DSM ( Digital Surface Model ) və s daxildir. DTM və DSM arasındakı fərq ondan ibarətdir ki, DTM ərazi məlumatlarını təmin etmək üçün çılpaq torpağı (içində heç bir obyekt/bina olmadan) təmsil edir. DSM isə yerin səthini təmsil edir və onun üzərindəki bütün obyektləri əhatə edir.